काठमाडौं, भदौ ३ । ‘कुमार घैंटे’को रुपमा चिनिने ‘गुन्डा नाइके’ कुमार श्रेष्ठ प्रहरीसँगको मुठभेडमा मारिएका छन् ।
काठमाडौंको कपुरधारामा विहीबार बिहान ११ बजेतिर प्रहरीसँगको मुठभेडमा घैंटे मारिएका हुन् । छातिमा गोली लागि घाइते भएका घैंटेको उपचारका क्रममा त्रिभुवन विश्वविद्यालय शिक्षण अस्पतालमहाराजगन्जमा मृत्यु भएको हो । घैंटेलाई ८ ओटा गोली लागेको जनाइएको छ ।
घटनास्थलबाट प्रहरीले घैंटेले प्रयोग गरेको अवैध पेस्तोल पनि बरामद गरेको छ । घैंटे समूहका अन्य दुईजना राजेन्द्र महर्जन र सुरेन्द्र महर्जन पनि गोली लागि घाइते भएका छन् । उनीहरुको शिक्षण अस्पतालमै उपचार भइरहेको छ भने घैंटे समूहका अन्य ७ जनालाई प्रहरीले नियन्त्रणमा लिएको छ ।
महानगरीय अपराध महाशाखाका प्रमुख एसएसपी सर्वेन्द्र खनालले नियमित सर्चका क्रममा कुमार घैंटेको टोलीले प्रहरीमाथि गोली चलाएपछि जवाफी कारबाहीमा घैंटेको मृत्यु भएको बताए ।
घैटेको शव पोस्टमार्टमका लागि शिक्षण अस्पतालमा राखिएको छ । गुन्डागर्दी र अवैध चन्दा असुलीलगायतका घटनामा संलग्न घैंटे प्रहरीको ‘मोस्ट वान्टेड’ सूचीमा थिए ।
'पश्चिम नेपालमा ठूलो भूकम्पको जोखिम'
पश्चिम नेपालदेखि भारतको दिल्लीसम्मको भूभागमा भविष्यमा एउटा ठूलो भूकम्प आउन सक्ने खतरा बढेको वैज्ञानिकहरुले चेतावनी दिएका छन्।
नयाँ तथ्याङ्कह…Read More
म फुच्ची भएर तपाईंलाई के भो?
ओहो! रातको १२ बजिसकेछ। अब त सुत्नुपर्छ। बिस्तारामा पल्टिएकी मात्र थिएँ। मोबाइल बज्यो। रातको १२ बजे त्यो पनि अपरिचित नम्बरबाट। उठाउँ या नउठाउँ। द्वुव…Read More
यूट्यूबका रोचक आठ ट्रिक्स
यूट्यूब नचलाउने इन्टरनेट प्रयोगकर्ता आजकाल कमै होलान् । तर, यूट्यूबका कतिपय ‘टि्रक’ हरु धेरैका लागि नौला हुनसक्छन् । यहाँ केहि रोचक ट्रिकहरु प्रस्तु…Read More
